Eten digitala

ETEN DIGITALA

Pertsona batzuek ez daukate teknologia berrien aukerarik izaten hainbat arrazoirengandik. Teknologia berriek ematen dituzten aukerak heltzen ez diren pertsonentzako dagoen distantzia eten digitalaz ezagutzen da. Arrazoiak anitzak izan daitezke; hala nola, ekonomi aldetik aukerarik ez dutelako, testuinguru aldetik baldintzatuta daudelako edota nahi ez dutelako. Hori dela eta, pertsona, instituzio,gizarte edo herrialde batzuek baztertuak izaten dira eta ez dute teknologia berriek ematen dituzten informazio, ezagutza eta hezkuntza eskuratzeko aukerarik.
Eten digital hau, arrisku moduan ezagutu behar da eta pertsonen, instituzio edo herrialdeen bereiztea eta baztertzea ekar dezake marginazio sozial eta pertsonalean bilakatuz.

Autoreak aipatzen duen moduan eten digital mota askotakoak daude; ekonomikoa, politikoa, hezkuntza, sorkuntza, hizkuntza,irakaslea, ikaslea eta psikologikoa.

• Ekonomikoa: Herrialde bateko ekonomiaren araberakoa izango da, hau da, herrialde txiroak eta aberatsak. Herrialde aberatsak ekonomi arloan egoera ona dutenez, teknologia berrien aukera gehiago izango dute, aldiz, herrialde txiroek, ekonomi aldean arazoak dutenez, teknologi berrien aukerak murriztuko zaizkie.

• Hezkuntzazkoa: Irakaskuntza munduan teknologia berriak erabiltzen dituzten eta ez dituzten artean sortzen da eten digitala. Gizarte honetako hiritarrek teknologia berriekin komunikatzeko eta interakzionatzeko aukera izan behar dute, informazioa trukatzeko oinarrizko herraminta delako.Hori dela eta, pertsona guztiek, teknologia berriak erabili behar dute jarrera positibo batekin. Eskolan ere gure ikasleek hauek erabiltzen ikasi behar ditugu eta horretarako garrantzitsua da irakaslearen formazioa hauekiko.


• Idiomatikoa: internet informazioa eskuratzeko tresna garrantzitsua da. Egia esan, gehienezko informazio hori ingelesez aurkitzen zaigu, informazio interesgarrienak hizkuntza horretan daudelarik. Hori dela eta,beste hizkuntza batzuek beste maila batean geratzen dira eta esfortzu handiak egin behar dira hizkuntza hauek hedatuak ikusteko.

• Generazionala: Gaur egungo gazteak teknologia berrien kontsumitzaile handiak dira eta hauek erabiltzeko trebetasuna dute.Guzti honek hezkuntzan inplikazio zuzena izango du. Badakigu internet berristen doala denbora guztian eta gazteek azkar integratzen direla honetara. Irakasleek batzuetan zailtasunak izaten dituzte interneten berritze horri, eta askotan ikasleen aurrean gaizki ez geratzeko nahiago izaten dute ez erabiltzea.


• Generoa: Gizonezkoek emakumezkoek baino teknologia berrien kontsumitzaile handiagoak dira. Emakumezkoek gure kulturan jasaten duten bazterkeria teknologia berrien erabilpenarekin erlazionatuta dago. Aipatzekoa da, badaudela herrialde batzuk emakumearen diskriminizazioa oso indartsua dela eta hezkuntza eta kulturaren erabilerarik ez dutela. Hala ere, esan beharra da teknologia hauen erabilpena handitu egin dela emakumeari dagokionez.

• Ezaugarri fisiko eta psikikoak: Teknologia berriek arazo fisiko eta psikologikoak ez duten pertsonei zuzenduta daude, nahiz eta azkenaldian esfortzu handiak egin dira pertsona hauentzako. Autore honen aburuz, eskolak paper garrantzitsu bat dauka eten digital honetan. Hau da, ikasle guztien beharrizanetara eskola prest egon behar da hauen prestakuntza baterako, teknologia berriek direla medio. Azken urteotan pausu garrantzitsuak eman ditu eskolak teknologia berriei dagokionez eta irakasleria hauetara egokitu behar izan da.

E ten digitalen arazoa zeregin konplexua da non ekonomiak, politikak eta ideologiak eragin handia duten. Autoreak aipatzen duen moduan hezkuntza arloak inplikazio zuzen bat izan behar du teknologia berrien erabileran baina ez bakarrik irakaskuntzak baizik eta gizarteak ere bideak erraztu behar ditu denon eskura izan dagigun eta ni autorearen aipamenarekin bat nator.